Quantcast
Channel: The Irrawaddy's Blog
Viewing all articles
Browse latest Browse all 5236

လွတ်လာသည့်ထောက်လှမ်းရေးအရာရှိဟောင်း၂ ဦးကို ထောင်ထဲ ပြန်ပို့

$
0
0
~


သမ္မတ ဦးသိန်းစိန်၏ လွတ်ငြိမ်းချမ်းသာခွင့်ဖြင့် လွတ်မြောက်လာသည့် နိုင်ငံရေး အကျဉ်းသားများထဲမှ ထောက်လှမ်းရေး အကျဉ်းသား နှစ်ဦးကို လွှတ်ပြီး တရက်အတွင်း ပြန်လည်ထိန်းသိမ်း လိုက်ကြောင်း သိရသည်။

 

“အကျဉ်းထောင်ဘက်က ရုံးလုပ်ငန်း လုပ်ထုံးလုပ်နည်း လွဲပြီး လွှတ်ပေးလိုက်တာပါ။ သူတို့က သမ္မတ လျှော့ပေါ့ပေးလိုက်တဲ့ ဥပဒေတွေနဲ့ မဟုတ်ဘူး။ တခြား ဥပဒေပုဒ်မတွေနဲ့ဖြစ်လို့ အရေးပေါ် ပြန်ခေါ်တာပါ။ ပြန်ထိန်းသိမ်းတယ် ဆိုတာကလည်း တခြား အချက်တွေကြောင့် မဟုတ်ပါဘူး။ သူတို့ရဲ့ ကျန်နေသေးတဲ့ ပြစ်ဒဏ်ကို ခံယူဖို့အတွက် ပြန်ခေါ်လိုက်တဲ့ သဘောပါ”ဟု သမ္မတ ၏ ပြောရေးဆိုခွင့်ရှိသူ ပြန်ကြားရေး ဒု ၀န်ကြီး ဦးရဲထွဋ်က ဧရာဝတီကို ပြောသည်။

ရှမ်းပြည်နယ် လားရှိုး အကျဉ်းထောင်မှ လွတ်မြောက်လာသည့် ယခင် တပ်မတော်ထောက်လှမ်းရေး ဗိုလ်မှူးကြီး တင်ဦးကို ညနေ ပိုင်း တွင် လားရှိုးလေဆိပ်၌ပင် ပြန်လည်ထိန်းသိမ်းခဲ့ပြီး ကရင်ပြည်နယ် ဘားအံအကျဉ်းထောင်မှ လွတ်မြောက်လာသည့် ဗိုလ်မှူးဟောင်း မိုးသူကို ရန်ကုန်ပြန်သည့် လမ်းတွင် ပြန်လည်ထိန်းသိမ်းခဲ့ကြောင်း ရရှိသော သတင်းများအရ သိရသည်။

ပြီးခဲ့သည့် ဒီဇင်ဘာ ၃၀ ရက်နေ့ ညနေပိုင်းကတည်းက သမ္မတ အမိန့်နှင့် နိုင်ငံရေးပုဒ်မများကို လျှော့ပေါ့ပြီး လွတ်ငြိမ်းချမ်းသာခွင့် ပေးလိုက်သော်လည်း ယနေ့အထိ တနိုင်ငံလုံးမှ လွတ်မြောက်ခဲ့သည့် လူဦးရေ စာရင်းအတိအကျကို အစိုးရအနေနဲ့လည်း မထုတ်ပြန်နိုင်သေးကြောင်း ဦးရဲထွဋ်က ပြောကြားသည်။

“ကျနော်တို့လည်း စာရင်းအတိအကျ သိရဖို့ ပြည်ထဲရေးဌာနကို တောင်းထားပါတယ်။ အခုက အကျဉ်းထောင်တွေက စာရင်း၊ တရားရုံးတွေက စာရင်းနဲ့ ရဲစခန်းတွေက စာရင်းတွေကို ယူပြီးမှ ပြည်ထဲရေးဝန်ကြီးဌာနက ထုတ်ပြန်ပေးမှာပါ”ဟု ဦးရဲထွဋ်က ပြော သည်။

ယမန်နေ့က ထပ်မံထုတ်ပြန်လိုက်သည့် လွတ်လပ်ရေးနေ့အထိမ်းအမှတ် ပြစ်ဒဏ်လွတ်ငြိမ်းခွင့်ကြောင့် ယနေ့ မြန်မာတနိုင်ငံလုံးက အကျဉ်းထောင်အသီးသီးနှင့် ရဲဘက်စခန်းများမှ အကျဉ်းသား ၇၀၀၀ ကျော် လွတ်မြောက်လာကြောင်း မြန်မာ ငြိမ်ချမ်းရေး စင်တာ ၏ တာဝန်ရှိသူတဦး ဖြစ်သည့် ဦးလှမောင်ရွှေ ၏ ဖေ့စ်ဘုတ် စာမျက်နှာတွင် ရေးသားထားသည်။

လွတ်မြောက်ရန် ကျန်ရှိနေသေးသည့် နိုင်ငံရေး အကျဉ်းသား ၄၆ ဦးတွင် ယနေ့ လွတ်ငြိမ်းချမ်းသာခွင့်ကြောင့် လွတ်မြောက်လာ သူများထဲမှ ညနေပိုင်း ၄ နာရီအထိ စုံစမ်းချက်အရ နိုင်ငံရေးအကျဉ်းသား ၃ ဦးသာ ပါဝင်သေးကြောင်း နိုင်ငံရေးအကျဉ်းသားများ ကူညီစောင့်ရှောက်ရေး အသင်း(AAPP) ပြောရေးဆိုခွင့်ရှိသူ ကိုအောင်မျိုးကျော်က ပြောသည်။

“လွတ်လပ်ရေးနေ့အမီ နိုင်ငံရေးအကျဉ်းသားအားလုံး လွှတ်ပေးမယ်လို့ သမ္မတ ဦးသိန်းစိန်က ကတိပေးထားပါတယ်။ ဒီကနေ့လွတ်လာတဲ့အခြေအနေကို ကြည့်ရင် နိုင်ငံရေး အကျဉ်းသား မကုန်သေးပါဘူး။ မနက်ဖြန် သန်ဘက်ခါ စောင့်ကြည့်ရပါ ဦးမယ်။ အခုလည်း နိုင်ငံရေး အကျဉ်းသား ဘယ်လောက် ကျန်နေသေးတယ်ဆိုတာကို ကျနော်တို့တွေ တိတိကျကျ ပြောလို့ မရသေးဘူး” ဟု ကိုအောင်မျိုးကျော်က ပြောသည်။

ယနေ့ လွတ်မြောက်လာသည့် နိုင်ငံရေးအကျဉ်းသား ၃ ဦးမှာ သရက်အကျဉ်းထောင်မှ မြန်မာနိုင်ငံလုံး ဆိုင်ရာ ကျောင်းသားများ ဒီိမိုကရက်တစ် တပ်ဦး(ABSDF) အဖွဲ့ဝင် ကိုစန်းကိုဦးနှင့် တူးဂျာ (ခေါ်) မြင့်သန်း၊ မိထ္ထီလာ အကျဉ်းထောင်မှ ဦးဘို တို့ ဖြစ်ကြောင်း သိရသည်။ ဒီဇင်ဘာ ၃၀ ရက်က ထုတ်ပြန်သော ပြစ်ဒဏ်လွတ်ငြိမ်းခွင့်ဖြင့် လွတ်မြောက်လာသူများတွင် နိုင်ငံရေး အကျဉ်းသား ၅ ဦး ပါဝင်ကြောင်း AAPP က ထုတ်ပြန်ပြောဆိုထားသည်။

သမ္မတ ဦးသိန်းစိန်၏ လွတ်လပ်ရေးနေ့ အထိမ်းအမှတ် လွတ်ငြိမ်းချမ်းသာခွင့်အမိန့်တွင် သေဒဏ် ချမှတ်စေခြင်း ခံရသူများအတွက် ထောင်ဒဏ် တသက်(နှစ်အကန့်အသတ်မရှိ) သို့ ပြောင်းလဲကျခံစေရန်၊ နှစ်အကန့်အသတ် မရှိနှင့် ထောင်ဒဏ် တသက် ကျခံရသည့် အကျဉ်းသားများ(သေဒဏ်မှ ထောင်ဒဏ် တသက်နှင့် နှစ်အကန့်အသတ် မရှိသို့ လျှော့ပေါ့ ကျခံသူများ မပါ) နှင့် ထောင် ဒဏ် (နှစ်၄၀) နှင့် အထက် ကျခံနေရသူများအား ထောင်ဒဏ်နှစ် ၄၀ အောက် လျှော့ပေါ့ ကျခံစေရန်နှင့် ထောင်ဒဏ်နှစ် ၄၀ အောက် ကျခံနေရသည့် အကျဉ်းသားများအား ၎င်းတို့ကျခံနေသော ထောင်ဒဏ်၏ လေးပုံတပုံအား လျှော့ပေါ့ကျခံစေရန်ဟု ဖော်ပြ ထားသည်။

ယနေ့ အကျဉ်းထောင်အသီးသီးမှ လွတ်ငြိမ်းချမ်းသာခွင့်ရသည့် လူဦးရေမှာ ညနေပိုင်းအထိ ဧရာဝတီ၏ စုံစမ်းချက် အရ
အင်းစိန်ထောင်မှ   ၅၇၉ဦး၊
မန္တလေးထောင်မှ ၈၈၃ဦး၊
တောင်ငူထောင်မှ   ၁၇၄ဦး၊
တောင်ငူမြို့ ၄ မိုင်ရဲဘက်စခန်းက  ၁၃၀
သာယာဝတီထောင်မှ အကျဉ်းသား/သူ၂၈၀
စစ်တွေထောင်မှ ၃၆၆ ဦး၊
ဧရာဝတီတိုင်း အတွင်းရှိ ထောင်အသီးသီးမှ ၈၄၀ဖြစ်ကြောင်း သိရသည်။

  • သူဇာ


မူရင်းသတင်းလင့်  http://burma.irrawaddy.org/news/2014/01/03/52950.html


.


Viewing all articles
Browse latest Browse all 5236

Trending Articles


မြန်အောင်မြို့နယ် အင်ပင်- ကနောင်လမ်း ရေတိုက်စား ပျက်စီး


စိုးလွင် (၂၁၁) (၀မ်ခ) ● သူပုန်တို့ရဲ့ဌာနချုပ် မာနယ်ပလောကို ကာကွယ်စို့


ဆံပင်ကို ဘုရားလှူခြင်းကြောင့် မည်သို့အကျိုးရမည်နည်း


တားမြစ်ထားတဲ့ သီချင်းလေးတွေ...


တာချီလိတ်တပ်နယ် မိသားစုများမှ တာချီလိတ်ရွှေတိဂုံစေတီတော် ရင်ပြင်၌...


ဘုရင့်နောင်ကျော်ထင်နော်ရထာ နတ်ရွာစံခြင်း


နောင်တော်ကြီးမင်း၏ နောက်ဆုံးည


မြန်မာတွေ ကြည့်ရှု အဆင်ပြေမယ့် ဇာတ်ကား ရိုက်ကူးတယ် ဆိုသူ စံရတီမိုးမြင့်


၂၀၁၅ ရွေးကောက်ပွဲ ကိုယ်စားလှယ်နေရာ ထွန်းအိန္ဒြာဗိုလ်ကို ကမ်းလှမ်းကြောင်း NLD...


တာနောယက္ခ


ဘာဖြစ်လို့ စစ်သားတွေ အလေးပြုကြသလဲဆိုတဲ့ မေးခွန်းအတွက်ပါ


ခင်လွန်း - “ကျီးဖြူ ကျီးမည်း တစ်ကောင်တည်း”


ချစ်စရာ့ မြန်မာ့ဓလေ့


တာချီလိတ်မြို့ အားခေရွာထဲ၌ ကျပ်သိန်းပေါင်း ၁၄၅ သိန်းခန့် တန်ဖိုးရှိသည့်...


မကွေးတိုင်းအတွင်း တက္ကသိုလ်ဝင်စာမေးပွဲဖြေခွင့်တင်သူ ယခုနှစ်တွင် (၆,၀၀၀)ကျော်...


ဟံသာဝတီ နှင့် ရွှေဘို အားပြိုင်သော စစ်ပွဲများ


သာယာဝတီမင်း၏ နောက်ကွယ်မှ ရာဇ၀င်သမိုင်းဆိုးများ


တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့် ဇ နီး...


အရှက်ကြီးသော မိဖုရားနှင့် ကျီစားသန်သော ဘုရင်


ဆားပုလင်းနှင်းမောင်၏ နိဂုံး