ပြီးခဲ့တဲ့ ရက်အတွင်း ဆီးဂိမ်း အားကစားပြိုင်ပွဲတွေထဲက တခုဖြစ်တဲ့ ဘောလုံး အားကစားပြိုင်ပွဲတွေ စတင် ကျင်းပပါတယ်။ ကစားပွဲထဲမှာ လာရောက်ကြည့်ရှုတဲ့ မြန်မာ ပရိသတ်တွေ အားပေးတဲ့ ပုံစံဟာ အရင့် အရင် နှစ်တွေကထက် တော်တော် တိုးတက်လာတာတွေ့ ရသလို ပရိသတ် တချို့ရဲ့ ပြုမူပုံတွေ ကတော့
တော်တော်ကြီး ရှက်စရာကောင်းတယ်လို့ မြင်မိပါတယ်။
အဲဒီနေ့ ဘောလုံး အားကစား ပြိုင်ပွဲပထမပွဲစဉ်မှာ ထိုင်းအသင်း နဲ့ အရှေ့တီမော အသင်းတို့ ရန်ကုန်မြို့ သုဝဏ္ဏဘောလုံး ကွင်းကြီးမှာ ယှဉ်ပြိုင်ကစားတဲ့ပွဲပါ။
အဲဒီပွဲမှာ ထိုင်းအသင်းကို လာရောက်အားပေးတဲ့ ထိုင်းနိုင်ငံသား ပရိသတ်တွေကလည်း ထိုင်းအသင်းကို အားပေးကြပါတယ်။
ဒုတိယပွဲစဉ်က မြန်မာနဲ့ ကမ္ဘောဒီးယားပွဲစဉ် ဖြစ်တဲ့အတွက် မြန်မာပရိတ်သတ် ၁ သောင်းခွဲလောက်က ကွင်းထဲကို ကြိုတင်ရောက်နေကြတာပါ။ ကိုယ့်အသင်း ကစားချိန် မရောက်သေးပေမယ့် အရှေ့ တီမောနဲ့ ကန်နေတဲ့ သူတို့အသင်းကို အားပေးနေကြတဲ့ ထိုင်းပရိသတ်တွေကို မြန်မာ ပရိတ်သတ် တချို့က ရန်စ နှောက်ယှက်ကြတာပါ။
ထိုင်း-မြန်မာ ကျောင်းတော်က ရန်စ၊ သမိုင်းအာဃာတကို ထင်ဟပ်စေတဲ့ ဦးအောင်ဇေယျ ရုပ်ပုံကြီးကို ထိုင်းပရိသတ်တွေ ရှေ့မှာ ခနခန ထောင်ပြနေကြပြီး ဝါရင်းတုတ်နဲ့ ယိုးဒယားကို တက်သိမ်းခဲ့ဖူးတာတွေ အော်ဟစ်ကာ အိမ်ရှင်မြန်မာနိုင်ငံ အရှက်ရစေမယ့် အပြုအမူတွေ လုပ်ပြကြပါတယ်။
စုစုပေါင်း အယောက် ၅၀ မပြည့်တဲ့ ထိုင်းပရိသတ်တွေက ထိုင်းအသင်းကို “ထိုင်းလန်း … ထိုင်းလန်း” ဆိုပြီး သံပြိုင် အော်ဟစ် အားပေးသံရဲ့ အဆုံးမှာ မြန်မာပရိသတ်တချို့ အင်္ဂလိပ်လို F နဲ့ စတဲ့ ဆဲလုံးနဲ့ နောက် ကနေ သံပြိုင် လိုက်ဆဲကြပါတယ်။
တချို့ အကြိမ်တွေမှာလည်း ထိုင်းတွေက သူတို့ အသင်းကို အော်ဟစ်အားပေးနေချိန်မှာ ရာနဲ့ချီတဲ့ မြန်မာ ပရိသတ်တွေက ထိုင်းတွေရဲ့ အသံတွေ ဖုံးလွှမ်းသွားအောင် ထိုင်းရဲ့ ပြိုင်ဘက်အသင်း အရှေ့တီမော နာမည်ကို ထပ်ခါတလဲလဲ သံပြိုင် ဟစ်အော်ခဲ့ကြပါတယ်။
ကဲ ဒီလို ကိုယ့်နိုင်ငံ၊ ကိုယ့်လူမျိုးရဲ့ ဂုဏ်သိက္ခာကို ထိခိုက်စေတဲ့ လုပ်ရပ်တွေအကြောင်း ကိုသင်ကာ တင်ပြရေးသား ထားတဲ့ ဆီးဂိမ်းကို အိုးမည်း သုပ်သူများဆိုတာကို ဧရာဝတီ မြန်မာပိုင်း စာမျက်နှာ http://burma.irrawaddy.org/opinion/viewpoint/2013/12/11/52045.html မှာ အပြည့်အစုံ ဖတ်နိုင်ပါပြီ။