သည်တလောတွင် မြေးအဖိုးနှစ်ယောက် အလုပ်မရှိ။ အိပ်လိုက် စားလိုက် လည်လိုက်နှင့်ပင် ဇိမ်ကျနေလေသည်။ ကြာလာတော့ အဖွားဖြစ်သူ မိကျင်လှိုင်မှာ အမြင်ကတ်လာပြီ ဖြစ်သည်ကို မြေးအဖိုးနှစ်ယောက် မတိုင်ပင်ဘဲနှင့်ပင် အတတ်သိနေသည်။ မဖြစ် … သည်အတိုင်းနေလို့ မဖြစ်။ တော်ကြာ ထမင်းပင် ချက်မကျွေးပဲ နေလိမ့်မည်။ သို့နှင့် …
အဖိုးဖြစ်သူမှာ သူ့အလုပ်ကိစ္စရှိသည်ဟုဆိုပြီး လှော်တက်တစ်ချောင်းဆွဲကာ လှေဆိပ်သို့ ဆင်းသွားသည်။ ကျနော်လည်း ဘယ်သွားရမှန်းမသိဖြစ်နေစဉ် လူဆိုးသူငယ်ချင်းများဖြစ်သော မောင်ပျော့ (လေးကွပစ်ရာတွင် အထူးဂုဏ်ထူးယူထားသူ)၊ ခါးတို (ခါတိုပြီး ပုကွကွဖြစ်နေလို့)၊ ပူးနောင်းဂျိန် (သူ့အိမ်၌ သူစိတ်ဆိုးရာတွင် နတ်ကနား ကသကဲ့သို့ မျောက်လို ခုန်တတ်၍)၊ သဲမောင် (ညီဖြစ်သူ) တို့ ခြံဝင်းထဲ ရောက်လာကြသည်။
မောင်ပျော့မှ “ဟေး … ငအောင် … နတ်ကပွဲ မသွားဘူးလားဟ … ဟိုမှာ စနေလောက်ပြီ”
သြော် … ဟုတ်ပါ့ … တစ်နှစ်မှ မသွားဖြစ်ခဲ့သည့် နတ်ကပွဲစသည်မှာ ဒီနေ့ပဲကိုး။
“သြော် … အေးအေး … ငါမေ့နေလို့ကွ … သွားမယ် အခုပဲသွားမယ်”
စကားပြောမဆုံးသေးခင်ပင် ရွာထိပ်မှ နတ်ဆိုင်းသံများ စတင်နေပြီဖြစ်လေသည်။ ထို့နှင့် လွယ်အိတ်ကို ပြေးလွယ်၍ုကုန်းကြောင်းဖြင့် အသော့နှင်ကြတော့သည်။
(၂)
နတ်ကရာ ခြံဝင်းသည်ကား ကျယ်ဝန်းလှသော်လည်း သက်တမ်း ၂၀၀ ကျော်ရှိနေပြီဖြစ်သော ညောင်ပင်ကြီး လေးပင်ကြောင့် အနည်းငယ်ကျဉ်းသည်ဟု ထင်ရသည်။ ရာသီဥတု ပူသော်လည်း ညောင်ပင်ကြီးများ၏ အရိပ်ကောင်းမှုကြောင့် အတော်ပင် အေးစိမ့်သည်။ ယခု ထိုညောင်ပင်ကြီးများ ရှိမရှိ မသိတော့ … နတ်မနိုင်သားများ၏ လက်ချက်ကို နတ်မနိုင်သားတို့သာ သိသည်မဟုတ်ပါလော။
ပရိတ်သတ်နှင့် နတ်ကတော်များအပါဝင် လူပေါင်း ၄၀၀ ကျော်ခန့်ရှိမည်ဟု ခန့်မှန်းရသည်။ နတ်ဆိုင်းဝိုင်းတီးနေကြသည့် ဦးပေတိုးတို့၏ လက်သံကလည်း ကြောက်ခမန်းလိလိပင်။ အရက်မူးမူးနှင့် တီးနေသည်လားတော့ မပြောတတ်။ ဗြောသံ ဗုံသံ ဒိုးပတ်သံတိုသည့်ကား အချင်းချင်း စကားကပ်ပြောလျှင်ပင် မကြားတစ်ချက် ကြားတစ်ချက်နှင့်။
ကျနော်တို့ တစ်အုပ်စုလုံး မလှမ်းမကမ်းတွင် ရှိနေသော ရွှေဖျင်းကြီး ရွှေဖျင်းလေး နတ်ကွန်းအောက်၌ ကုန်းကွ၍ဝင်သွားကာ ထိုင်၍နေရာယူလိုက်ကြသည်။ တော်ကြာ နေရာများရှိတော့မည်မဟုတ်။ ရွာမှ နတ်ကတော်များ ဖြစ်ကြသည့် အဖွားမရှမ်း၊ ဒေါ်ပြုံးချို၊ ဒေါ်သန်းစိန်၊ ဦးတောကြီးနှင့် အခြားနှစ်ယောက်မှာ လှုပ်စိ လှုပ်စိ ဖြစ်နေပြီကို တွေ့လိုက်ရသည်။
ထိုအခြားနှစ်ယောက်မှာ မြို့မှလာသည်ဟု ပြောသော်လည်း ယောက်ျားဖြစ်ပါလျှက် မိန်းမထမီတွေ ဝတ်ပြီး ဘာတွေလူးထားမှန်းမသိ။ ကျနော်တွေ့ဖူးသည့် မြို့သားများမှာ အသားဖြူ ရုပ်ချောသော်လည်း ယခုနှစ်ယောက်ကား သူတို့ရုပ်ကိုကြည့်၍ ထမင်းစားမဝင်မှာ သေချာသည်။ သူတို့၏မျက်ခွက်ကို ဒူးရင်းသီးနှင့် ပစ်ပေါက်ချင်စိတ် ပေါက်သွားသည်။ ထားလိုက်ပါတော့ … အဓိကကား နတ်ကသည်ကို ကြည့်ဖို့ပင်။
နတ်ကတော်များကား ဘယ်နေရာ ဘယ်ဒေသေတွင် နေသည်မသိသော နတ်များကို ဦးတိုက်နေကြလေပြီ။
(၃)
ပထမပိုင်းတွင် အမျိုးအမည် မှတ်ဖို့ပင် ခက်ရလောက်အောင် များပြားလှသော နတ်များနှင့် နတ်ကတော်များ နတ်ဝင်လိုက် နတ်ထွက်လိုက်နှင့် အလုပ်ရှုပ်နေကြသည်။ အရက်ပိုမူးလေ လက်သံပိုပြောင်သည့် ဦးပေတိုး၏ ပတ်မတီးသံလည်း နားကွဲမတတ်။ ကျနော်တို့အုပ်စုကား စိတ်ဝင်စားစွာဖြင့် မျက်တောင်မခတ် ကြည့်နေမိကြသည်။ ဘေးမှ သူငယ်ချင်းဖြစ်သူ ပူးနောင်းဂျိန် ကား သူစိတ်ဝင်စားသည့် လိုင်းမို့လား မပြောတတ်။ နှပ်ချေးများ တွဲလောင်းကျနေသည်ကိုပင် သတိထားမိပုံမရ။
တစ်ခါတရံ ပရိတ်သတ်များထံသို့ နတ်ကတော်များထဲသို့ ပူးဝင်နေသည့် နတ်များကား အုန်းသီး ထန်းညက်များ၊ မုန့်များနှင့် အသီးအနှံမျိုးစုံတို့အား စွန့်ကြဲပေးသနား တတ်ကြသေးသည်။ သို့သော် ကျနော့်စိတ်ထဲ၌ကား သူတို့စားမကောင်း၍သာ စွန့်ကြဲပေးသည်ဟု ထင်လေသည်။ ကြည့်လေ့ … ကျနော်တို့ အုပ်စုရှေ့သို့ ကျရောက်လာသော စွန့်ကြဲခဲ့သည့်မုန့်များမှာ တစ်ခုမှ အရသာမရှိ။ မုန့်လက်ကောက်တဲ့ … စားရသည်မှာ ဖွယ်တယ်တယ်နှင့်။ အရှေ့တွင် ကျလာသည် မုန့်များအား လုစားရသည်မှာ ပျော်စရာတော့ အကောင်းသား။ တစ်ခါတရံတွင်လည်း စား၍ကောင်းသည့် မုန့်များလည်း ကျရောက်လာတတ်သည်။ ထိုအခါတွင်တော့ အချင်းချင်း (ဒါမှမဟုတ်) ကျနော်တို့အရွယ် အခြားရွာမှ လမ်းသရဲများနှင့် နပမ်းသတ်ကြပြီသာမှတ်။
(၄)
ညနေ သုံးနာရီကျော်ခန့် ရှိနေလေပြီ … အသေးအဖွဲနတ်များ ကုန်သွားပြီဖြစ်၍ နာမည်ကြီးနတ်များ ထွက်ကကြတော့မည်။ ထိုအချိန်တွင် နတ်ကတော် အချို့လည်း မူးနေလေပြီ။ နတ်သောက်သည်က နည်းနည်း။ သူတို့သောက်သည်က များသည်ကိုး … မူးပေမပေါ့။
ဟော … ရောက်ချလာပါပြီ။ ဦးမင်းကျော်တဲ့ … ကျနော့်အဖိုးက အလွန်အရက်ကြိုက်သည့် နတ်ဟု ပြောပြဖူးသည်။ ပြီးတော့ ကြက်တိုက်တာလဲ ဝါသနာ ခေသူမဟုတ်တဲ့။ အင်း … ဒါလဲ ဖြစ်နိုင်တာပဲ နတ်ကတော့ မမြင်ရလို့ မသိဘူး။ နတ်ကတော် ဦးတောကြီးကား အရက် ထန်းရည် အလွန်ကြိုက်သလို ကြက် ခဏခဏတိုက်ပြီး ရန်ဖြစ်သဖြင့် သူကြီးထိပ်တုံးနှင့် ခဏခဏ ညားခဲ့သည်မှာ အကြိမ်ပေါင်းမနည်း။
ဦးမင်းကျော်ဆိုသော နတ်ကား စတိုင်လ်ကြီးနှင့် ခါးထောက်၍ ပဲကများနေသေးသည်။ လက်တစ်ဖက်ထဲတွင်တော့ ကျနော်တို့ရွာက ချက်အရက်မဟုတ်သည်မှာ သေချာသည်။ အရောင်မှာ နီညိုရောင်ဖြစ်ပြီး ပုလင်းမှာ ကျနော်တစ်ခါမှ မတွေ့ဖူးပါ။ အဖိုးကို စစ်သားတစ်ယောက် လက်ဆောင် ပေးခဲ့ဖူးသည်နှင့် အနည်းငယ်ဆင်သည်။
အရက်သောက်လိုက် ကြက်ကြော်ဝါးလိုက် အရှေ့ရွာမှ ကရင်အဖွားအို လိပ်ပေးသည့် ဆေးပေါ့လိပ်ကို မယူ … ခေါင်းခါ၍ ငြင်းသည်။ စီးကရက်မှ ရမယ်တဲ့။ တောက် ! … အလွန်ကြီးကျယ်တဲ့နတ်။ တောရွာ ဇနပုပ်ကိုမှလာပြီး စီးကရက်တောင်းရတယ်လို့။ မတတ်နိုင် … နတ်ကတော်များ ကြံဖန်ရှာ၍ ဆက်သရသည်။ ထိုအခါကျမှပင် အမျက်တော် ပြေတော့သည်။ အတန်ကြာသော် စားလိုက် သောက်လိုက်နှင့် ရေချိန်ကိုက်သွားသည်လား မပြောတတ်။ ပြန်ကြွချင်ပြီဟုဆိုကာ ဘာမပြော ညာမပြောနှင့် ထွက်သွားတော့သည်။ နတ်ကတော် ဦးတောကြီးကား အရုပ်ကြိုးပြတ် လဲကျန်ခဲ့သည်။
တစ်ဖက်သို့ လှည့်ကြည့်သော် မနှဲလေးဆိုသော နတ်ကား ဘယ်အချိန်က ဝင်လာသည်မသိ … တုန်တုန် တုန်တုန်နှင့် နတ်ကတော် အဖွားမရှမ်းနှင့် ခေါင်းချင်းကပ်၍ စကားပြောနေသည်ကို တွေ့ရသည်။ ကြည့်ရသည်မှာ အဖွားမရှမ်းအား ဘာတွေချွဲနေသည်မသိ။ ထိုနတ်သည်ကား အလွန်ချွဲတတ်ပြီး စကားပြောလျှင် ညုတုတုနိုင်လှသည်ဟု နတ်ကတော် အဖွားမရှမ်း ပြောပြဖူးသည်။
ခဏကြာသော် ဆဲသံဆိုသံကြား၍ တစ်ဖက်သို့လှည့်ကြည့်လိုက်သည်။ ဒေါ်သန်းစိန် နတ်ဝင်၍ ကြမ်းနေလေပြီ။ အဆဲကြမ်းသည့်နတ်မှာ ဘာနတ်လဲမသိ။ တစ်ဖွဲ့လုံး စိတ်ဝင်စားသွားမိသည်။ အိုး … အမေဂျမ်းဆိုတဲ့ နတ်ဖြစ်ရမည်။
“မိဂျမ်းတဲ့ဟေ့ … တစ်ဂျမ်းထဲရှိသည် … ငါ့ကိုဘာမှတ်နေလို့လဲ … မအေ ! + @ _ # ) $ ( % * ^ & ” ဟု အဖွားမိကျင်လှိုင်ပင် မတတ်သည့် အဆဲနည်းပညာများကို ပါးစပ်သေနတ်မှ တရစပ် ပစ်လွှတ်လေတော့သည်။ အချို့ကလေးများနှင့် လူကြီးများကာ ကြောက်သွားပြီး နောက်သို့ရှဲသွားကြသည်။
အလွန်အဆဲကြမ်းသည့်အပြင် အနေအထိုင်ပါ ကြမ်းလှရာ နတ်ကတော် ဒေါ်သန်းစိန်၏ ထမီကိုခါး ကြိုးစည်းထားပေးရလေသည်။ ဆဲဆိုခုန်ပေါက်၍ ကြမ်းချင်ရာ ကြမ်းနေလေသည်။ ဘုရား ဘုရား … အလွန်ကြမ်းတမ်းသည့် နတ်ပါတကား။ နတ်ဘဝပင် ဤမှ်ျ ကြမ်းနေလျှင် လူ့ဘဝနေစဉ်တွင် မည်မျှ ကြမ်းခဲ့သည်မသိ။ အဆဲကြမ်းလွန်း၍ အများတကာမှ ရိုက်သတ်လိုက်သည်ဆိုတော့ အထောက် အထားကား ဤမျှလောက်ကြည့်ရုံဖြင့် လုံလောက်သည်။
ကြည့်နေစဉ် ခါးကို တစ်ဦးတစ်ယောက် လက်လာကုတ်သဖြင့် လှည့်ကြည့်ရာ သူငယ်ချင်းဖြစ်သူများ ကျနော့်အား အပြင်ခေါ်ထုတ်နေသည်ကို တွေ့လိုက်ရသည်။
နတ်ကပွဲ ခဏခဏလာဖူး၍ အတွေ့အကြုံရှိသော ညီသဲမောင်မှ “အစ်ကို … အမေဂျမ်းထွက်တော့မယ် … သူထွက်သွားပြီးရင် နတ်ပွဲပြီးပြီ … အဲဒါ အုန်းပွဲ ငှက်ပျောပွဲတွေ ရှိတဲ့နေရာကို သွားမယ်လေ … ခဏလေးကြာရင် ကြမ်းကြတော့မှာ လက်မနှေးစေနဲ့”
“စိတ်ချပါကွာ … ဒီလောက်တော့ အပျော့ပေါ့”
အပျော့ဟူ၍ မောင်ပျော့က ကျနော့်အား ဘုကြည့် ကြည့်လိုက်သေးသည်။
အုန်းပွဲ ငှက်ပျောပွဲများရှိရာနားသို့ လူကြီးရော ကလေးများပါ တစ်ဖြည်းဖြည်း တိုးကပ်လာနေသည်ကို အထာနပ်သော နတ်ထိန်းကြီးများက ကြိမ် တစ်ယောက်တစ်ချောင်းကိုင်ကာစောင့်ပြီး မိုက်ကြည့်ကြည့် နေကြသည်။ သို့သော် နတ်မနိုင် ကွက်သစ်သားများမှာ နတ်ထိန်းမပြောနှင့် မည်သည့်နတ်ပင်လာလာ ကြောက်မည့်ပုံမပေါ်။
အဆဲကြမ်းသည့် အမေဂျမ်းလဲ ထွက်ခွာလေပြီ။ ပရိတ်သတ်များ လှုပ်လှုပ်ရွရွ ဖြစ်လာသည်။ နတ်ကတော်များလည်း ဒူးတုပ်တန်းစီ၍ နတ်များအား နှုတ်ဆက်လျှောက်တင်ရုံပင် ရှိသေးသည်။ မည်သူမ စ၍ ညာသံပေးလိုက်သည် မသိ။
“ချတော့မယ်ဟေ့ …”
နဂိုကမှာ လက်ယားနေပြီဖြစ်သော ပရိတ်သတ်များမှာ “ဟေး” ဟူ၍ ညာသံပေးလျှက် ရောမခေတ် စစ်သည်များအလား နတ်အုန်းပွဲများရှိရာသို့ အပြေးဝင်၍ လုကြလေတော့သည်။ နတ်ကတော်များ အပေါ်မှ ခုန်ကျော်သူက ခုန်ကျော်၊ နတ်ထိန်းများ ကြိမ်လုံးဖြင့် ကြမ်းနေသည်ကို တရုတ်သိုင်းကွက်များ တတ်ထားသည့်အလား ရှောင်သူက ရှောင်ထွက်သွားပြီး မရှောင်နိုင်သည့် သူများကတော့ ကြောကော့သွားသည်ကို မြင်ရသည်။ နောက်ဆုံး အင်အားမမျှရှာသော ကြိမ်လုံးကိုင်နတ်ထိန်းများကား ပရိတ်သတ် ခြေဖဝါးအောက်သို့ ရောက်သွားရရှာလေသည်။ နတ်ကတော်များအဖို့ တွေးပင်မတွေးဝံ့။
နောက်တစ်နေ့ နံနက်တွင်တော့ လူကြီးရော ကလေးများပါ ဒဏ်ရာအသီးသီးနှင့်။ အချို့ ဒဏ်ရာပြင်းသူများကတော့ ဆေးဆရာ ဦးပိန်၏ အိမ်တွင် တန်းစီနေကြရသည်။ ဝင်လုတုန်းက ဘယ်လောက်ရသည်မသိ။ ဒဏ်ရာကတော့ အတော်ရကြသည်။ သို့သော် … လူတိုင်း အပြုံးကိုယ်စီဖြင့်သာ။
ကျနော်တို့အဖွဲ့တွင်တော့ အကောင်ရော အသက်ပါ အငယ်ဆုံးဖြစ်သည့် ပူးနောင်းဂျိန်ကတော့ ညာဖက်လက် တစ်ခုလုံး ရောင်ကိုင်းသွားသည်။ ဒါပေမယ့် သူလဲ အပြုံးမပျက်ပင်။ ဒီနှစ်မနိုင်ရင် လာမည့်နှစ် နိုင်ရမည်ဟုပင် ကြိမ်းဝါးနေသေး။
(ကဲ … ဒီလောက်ဆို ဘာကြောင့် နတ်မနိုင် ကွက်သစ်လို့ ခေါ်ရသလဲဆိုတာ သိလောက်ပြီထင်တယ်၊ ဒါတွေဟာ လွန်ခဲ့တဲ့ အနှစ် ၂၀ လောက်က အမှန်တကယ် အဖြစ်အပျက်လေးတွေပါ၊ ဒါပေမယ့် တဖြည်းဖြည်းနဲ့ အဲဒီနတ်ကနား ပွဲတော်ဟာ ပျောက်ကွယ်ခဲ့ရပြီဖြစ်တယ်၊ သက်တမ်းနှစ် ၂၀၀ ကျော် သည့် ညောင်ပင်ကြီးသာ ထီးထီးကြီး ကျန်ရစ်နေခဲ့ပါပြီ)
အဉ္ဇလီ