မြန်မာနိုင်ငံရဲ့ အိမ်နီးချင်း ထိုင်းနိုင်ငံမှာ လာမယ့် ဖေဖော်ဝါရီလမှာ ကျင်းပမယ့် ရွေးကောက်ပွဲတွေကို အတိုက်အခံပါတီကြီးဖြစ်တဲ့ ဒီမိုကရက်တစ်ပါတီက သပိတ်မှောက်တယ်လို့ ကြေညာလိုက်ပါတယ်။
ထိုင်းဒီမိုကရက်တစ်ပါတီခေါင်းဆောင် အဘီဆစ် ဝေချာချိဝ၊ ဓာတ်ပုံ- သည် ဂါးဒီးယန်း
ခေါင်းဆောင်တွေရဲ့ဆွေးနွေးပွဲအပြီး မစ္စယင်းလတ် အစိုးရ ကြေညာထားတဲ့ ဖော်ဖော်ဝါရီလ ၂ ရက်နေ့ မှာ လုပ်ပေးမယ်ဆိုတဲ့ ရွးကောက်ပွဲကို သပိတ်မှောက်ကြောင်း မနေ့က ကြေညာလိုက်တာဖြစ်ပါတယ်။
ပြီးခဲ့တဲ့ ဒီဇင်ဘာလ ၉ ရက်နေ့က ဘန်ကောက်နဲ့ မြို့တော်တော်များများမှာ မစ္စယင်လတ် နုတ်ထွက်ပေး
ရေး တောင်းဆိုဆန္ဒပြမှုတွေကြောင့် ပါလီမန်ကို ဖျက်သိမ်းပေးခဲ့ရပြီး ရွေးကောက်ပွဲ ကျင်းပပေးမယ်လို့
ကြေညာခဲ့တာလည်းဖြစ်ပါတယ်။
ထိုင်းဘုရင့်မွေးနေ့ ရက်ပိုင်းတွေမှာဘဲ မစ္စယင်းလတ် အစိုးရ နုတ်ထွက်ပေးရေး ဆန္ဒပြတောင်းဆိုသူတွေက ဆန္ဒပြနေတာတွေ ခဏ ရပ်ဆိုင်းထားခဲ့ပေမယ့် အခုအခါ ဆန္ဒပြမှုတွေက အတော်ပြန်ပြီး အားကောင်းလာ ချိန်မှာ အခုလို ကြေညာချက် ထွက်ပေါ်လာတာလည်း ဖြစ်ပါတယ်။
ဒီကနေ့မှာတော့ ဆန္ဒပြမှုတွေကို အရှိန်မြှင့်မယ်လို့ ဦးဆောင်သူတွေက ပြောခဲ့ကြပါတယ်။
ဒီမိုကရက် ပါတီခေါင်းဆောင်လည်း ဖြစ်တဲ့ အဘီဆစ် ဝေချာချိဝကတော့ ဒါက နိုင်ငံပြုပြင်ပြောင်းလဲရေး အတွက် သေသေချာချာ လုပ်ဆောင်နိုင်ဖို့ ကြိုးပမ်းမှု တခုဖြစ်တယ်လို့ သတင်းထောက်တွေကို မနေ့က
ပြောလိုက်ပါတယ်။
ဆန္ဒပြမှုတွေကတော့ ဝန်ကြီးချုပ်ဟောင်း သက်ဆင်ရှင်နာဝပ် ပြည်တော်ပြန်ခွင့်ရရေး လွတ်ငြိမ်းချမ်းသာ ဥပဒေ တင်သွင်းခဲ့ရာက စတင်ခဲ့တာဖြစ်ပါတယ်။
အိမ့်သံစဉ် ~